ਸੁਣ ਲੈ ਜੱਟਾ ਨਾਲ ਇੰਨਾਂ ਦੇ ਕਰਨਾ ਪੈਣਾ ਦੰਗਲ
ਅੱਜ ਤੱਕ ਪੈਰੀਂ ਪਾਉਂਦੇ ਆਏ ਜਿਹੜੇ ਤੇਰੇ ਸੰਗਲ
ਕਿਰਤ ਤੇਰੀ ਨੂੰ ਲੁੱਟ ਲੁੱਟ ਇੰਨਾਂ ਕੀਤੀ ਬੜੀ ਕਮਾਈ
ਹੁਣ ਵੀ ਦੇ ਤੂੰ ਚੁੱਪ ਵੱਟ ਵਹਿ ਗਿਆ ਸਮਝੀਂ ਛਾਮਤ ਆਈ
ਭੋੰੰਇ ਤੇਰੀ ਖੋਹਣ ਨੁੰ ਫਿਰਦੇ ਮੰਨ ਤੂੰ ਕਹਿਣਾ ਮੇਰਾ
ਜਾਗ ਕਿਰਤੀਆ,ਜਾਗ ਕਿਸਾਨਾ,ਜਾਗ ਪੰਜਾਬੀਆ ਸੇ਼ਰਾ
ਪੁਰਖੇ ਚੇਤੇ ਧਰ ਲੈ ਜਿੰਨਾਂ ਬੰਦ ਬੰਦ ਸਨ ਕਟਵਾਏ
ਜਦੋਂ ਜ਼ੁਲਮ ਨੇ ਬੰਨ ਸੀ ਤੋੜੇ ਲੱਖ ਲੱਖ ਨਾਲ ਟਕਰਾਏ
ਲਾਹ ਦੇ ਤੂੰ ਨਸੇੜੀ ਵਾਲਾ ਦਾਗ਼ ਪੰਜਾਬੀਆ ਸੇ਼ਰਾ
ਜਾਗ ਕਿਰਤੀਆ,ਜਾਗ ਕਿਸਾਨਾ,ਜਾਗ ਪੰਜਾਬੀਆ ਸੇ਼ਰਾ
ਹੱਸ ਹੱਸ ਰੱਸੇ ਗਲਾਂ ਚ ਪਾਉਣੇ ਹਿੱਸੇ ਤੇਰੇ ਆਏ
ਉੱਧਮ,ਭਗਤ,ਸਰਾਭੇ ਤੇਰੇ ਦੁਨੀਆਂ ਸੋਹਲੇ ਗਾਏ
ਮਾਰ ਜ਼ੋ ਕੁੰਡਲੀਏ ਅੰਦਰ ਬੈਠੇ ਨਾਗ ਪੰਜਾਬੀਆਂ ਸੇ਼ਰਾ
ਜਾਗ ਕਿਰਤੀਆ,ਜਾਗ ਕਿਸਾਨਾ,ਜਾਗ ਪੰਜਾਬੀਆ ਸੇ਼ਰਾ
ਤੂੰ ਕਿਰਤੀ ਸੈਂ ਕਿਰਤੀ ਹੀ ਰਿਹਾ ਰਿਹਾ ਸਿੱਧਾ ਤੇ ਸਾਊ
ਧਰਮ ਕਿਸਾਨੀ ਰੱਖਿਆ ਆਪਣਾ ਪੁਤਰ ਤੇਰੇ ਕਮਾਊ
ਪਰ ਹੁਣ ਲੋਟੂਆਂ ਨਾਲ ਜੰਗ ਦਾ ਛੇੜੀਂ ਰਾਗ ਪੰਜਾਬੀਆ ਸੇ਼ਰਾ
ਜਾਗ ਕਿਰਤੀਆ,ਜਾਗ ਕਿਸਾਨਾ,ਜਾਗ ਪੰਜਾਬੀਆ ਸੇ਼ਰਾ
ਦੇਸੂ ਵਾਲੇ ਦੀ ਕਲਮ ਹਾਂ ਤੈਨੂੰ ਇੱਕੋ ਗੱਲ ਸਮਝਾਵੇ
ਕਈ ਕਈ ਮਹੀਨੇ ਘੇਰੇ ਝੱਲੇ, ਤੇਰੇ ਪੁਰਖੇ ਨਹੀਂ ਘਬਰਾਏ
ਹਿੰਮਤ ਰੱਖੀਂ,ਜਿੱਤ ਦਾ ਹਿੰਮਤ-ਰਾਜ਼ ਪੰਜਾਬੀਆਂ ਸੇ਼ਰਾ
ਜਾਗ ਕਿਰਤੀਆ,ਜਾਗ ਕਿਸਾਨਾ,ਜਾਗ ਪੰਜਾਬੀਆ ਸੇ਼ਰਾ
ਕੋਲ ਹੈ ਤੇਰੇ ਤਜ਼ਰਬਾ ਬੈਠਾ ਨਾਲੇ ਬੈਠੀ ਜਵਾਨੀ
ਹੁਣ ਵੀ ਜੇ ਬਚਾਅ ਨਾ ਹੋਈ ਨਹੀਂ ਬਚਨੀ ਕਿਰਸਾਨੀ
ਨਾਲ ਠੱਰੰਮੇ ਲਈਂ ਫੈਸਲੇ ,ਤੂੰ ਤੋਲ ਦੇ ਤੇਰਾਂ ਤੇਰਾਂ
ਜਾਗ ਕਿਰਤੀਆ,ਜਾਗ ਕਿਸਾਨਾ,ਜਾਗ ਪੰਜਾਬੀਆ ਸੇ਼ਰਾ
©®ਹਰਗੋਬਿੰਦ ਸਿੰਘ,
...ਜ਼ਾਲਮ ਦੀ ਮੜ੍ਹੀ ਵੀ ਨਹੀਂ ਬਣਦੀ .. **** ****** ਇਕ ਪੋਹ ਦੀ ਠੰਡੀ ਠੰਢ ਹੋਵੇ, ਠੰਡਾ ਬੁਰਜ ਤੇ ਖ਼ੂਨੀ ਕੰਧ ਹੋਵੇ। ਜੇਰ੍ਹਾ ਪਰਖ਼ਣ ਛੋਟੇ ਬੱਚਿਆਂ ਦਾ, ਜ਼ਾਲਮ ਸੂਬਾ ਸਰਹੰਦ ਹੋਵੇ। ਜੀਹਨੂੰ ਗੁੜ੍ਹਤੀ ਮਿਲੀ ਹੋਏ ਅਣਖਾਂ ਦੀ, ਕੋਅਲੇ ਨਹੀਂ ਅੰਗਾਰੇ ਬਣਦੇ ਨੇ। ਜ਼ਾਲਮ ਦੀ ਮੜੀ ਵੀ ਨਹੀਂ ਬਣਦੀ। ਸ਼ਹੀਦਾਂ ਦੇ ਮੁਨਾਰੇ ਬਣਦੇ ਨੇ।। ਸਾਡੇ ਸਿਰ ਤੇ ਰਾਜ ਹੋਵੇ ਗੈਰਾਂ ਦਾ, ਗੱਲ ਹੱਕ ਦੀ ਕਰਨੋਂ ਡਰ ਆਵੇ। ਕੋਈ ਆ ਅਡਵਾਇਰ ਜਿਹਾ ਸਾਨੂੰ, ਹਾਂ ਭਾਜੀ ਪਾਕੇ ਤੁਰ ਜਾਵੇ। ਫਿਰ ਊਧਮ ਸਿੰਘ ਦੇ ਉਦ ਮ ਨੂੰ, ਲੰਡਨ ਵਾਲੇ ਵੀ ਮੰਨਦੇ ਨੇ। ਜ਼ਾਲਮ ਦੀ ਮੜ੍ਹੀ ਵੀ ਨਹੀਂ ਬਣਦੀ। ਸ਼ਹੀਦਾਂ ਦੇ ਮੁਨਾਰੇ ਬਣਦੇ ਨੇ।। ਤਿੰਨ ਲਾਲ ਖੜ੍ਹੇ ਹੋਣ ਮਾਵਾਂ ਦੇ, ਹੱਸ ਰਸੇ ਗਲਾਂ ਚ ਪਾਵਣ ਨੂੰ। ਛੋਟੀ ਉਮਰੇ ਕੋਈ ਕਰਤਾਰ ਜਿਹਾ, ਹਾਂ ਚਾਹਵੇ ਮੋਤ ਵਿਆਵਣ ਨੂੰ। ਸਿੱਧੂ ਜੁਲਮ ਦੀ ਸ਼ਾਨ ਤੇ ਪਰਖੇ ਕੋਈ, ਤਾਂ ਤਿੱਖੇ ਹਥਿਆਰੇ ਬਣਦੇ ਨੇ। ਜ਼ਾਲਮ ਦੀ ਮੜ੍ਹੀ ਵੀ ਨਹੀਂ ਬਣਦੀ। ਸ਼ਹੀਦਾਂ ਦੇ ਮੁਨਾਰੇ ਬਣਦੇ ਨੇ।। .... ਹਰਗੋਬਿੰਦ ਸਿੰਘ ਸਿੱਧੂ ਦੇਸੂ ਮਲਕਾਣਾ, ਸਿਰਸਾ ਹਰਿਆਣਾ ( 9466 685923)
Comments
Post a Comment