ਹੰਝੂ

ਸਾਗਰ ਵਰਗਾ  ਖਾਰਾ ਹੰਝੂ,
ਦਿਲ ਦਾ ਬਣੇ ਸਹਾਰਾ ਹੰਝੂ।
ਸਭੈ ਸਾਥ ਕਿਨਾਰਾ ਕਰ ਜਾਣ,
ਪਰ ਨਾ ਕਰੇ ਕਿਨਾਰਾ ਹੰਝੂ।
ਇੱਕ ਹੰਝੂ ਦਾ ਮੁੱਲ ਕਈ ਪੀੜਾਂ,
ਪੀੜਾਂ  ਦਾ  ਵਣਜਾਰਾ  ਹੰਝੂ।
ਦੁੱਖ, ਰੋਸੇ, ਗੰਮ ਚੁੱਕੀ ਫਿਰਦਾ,
ਕੀ ਜਾਣੌ ?ਕਿਨਾਂ ਭਾਰਾ ਹੰਝੂ।
ਅੱਖ ਤਾਂ ਬਸ ਗਵਾਹੀ ਭਰਦੀ,
ਦਿਲ ਚੋਂ ਨਿਕਲੇ ਯਾਰਾ ਹੰਝੂ।
ਬੱਚੇ ਦਾ  ਹੰਝੂ  'ਰੋਸ਼ੇ'  ਵਾਲਾ,
ਕਿਰਤੀ ਦਾ 'ਵਿਚਾਰਾ' ਹੰਝੂ।
ਧੀ ਬਾਬਲ  ਤੋਂ  ਦੁੱਖ ਛਪਾਵੇ,
ਹਾਲ  ਦਸ ਜਾਏ ਸਾਰਾ  ਹੰਝੂ।
'ਸਿੱਧੂ' ਦੀ ਅੱਖ ਨਮੀਂ-ਨਿਮਰਤਾ,
ਤਾਹੀੳਂ  ਜਾਣੋਂ ਪਿਆਰਾ ਹੰਝੂ।
....ਹਰਗੋਬਿੰਦ ਸਿੰਘ ਸਿੱਧੂ
.... ਦੇਸੂ ਮਲਕਾਣਾ
.... (9466685923)