ਇਨਕਲਾਬ
ਮਾਂ ਅਾਹ ਮੇਰੇ ਬੁਲਟ ਤੇ ਕਪੜਾ ਮਾਰੀਂ ਜਲਦੀ ਨਾਲ,ਅੱਜ ਸਹਿਰ ਭਗਤ ਸਿੰਘ ਸਹੀਦੀ ਦਿਵਸ ਤੇ ਨਾਟਕ ਮੇਲਾ ਦੇਖਣ ਜਾਣਾ ਹੈ।ਮਾਂ ਵਿਚਾਰੀ ਬੁਲਟ ਤੇ ਕਪੜਾ ਮਾਰਨ ਲਗੀ। ਗੁਰਲਾਲ ਕਲ ਸਹਿਰੋਂ ਨਵੀਂ ਪੀਲੀ ਪੱਗ ਲੈ ਅਾਇਆ ਸੀ।ਮਾਂ ਨੂੰ ਖੁਸ਼ੀ ਸੀ ਕਿ ਉਸਨੂੰ ਭਗਤ ਸਿੰਘ ਦਾ ਸਹੀਦੀ ਦਿਨ ਯਾਦ ਹੈ।ਗੁਰਲਾਲ ਨੇ ਅੰਦਰੋਂ ਕੁੰਡੀ ਲਾਕੇ ਪਗ ਬਣਨੀ ਸੁਰੂ ਕਰ ਦਿਤੀ ਸੀ।ਪਰ ਨਾਲ ਹੀ ੳੁਸਦੇ ਮੋਬਾਈਲ ਤੇ ਵਜਦੇ ਚਮਕੀਲੇ ਦੇ ਗੀਤ ਦੀ ਅਾਵਾਜ ਦਰਵਾਜਾ ਬੰਦ ਹੋਣ ਦੇ ਵਾਵਜੂਦ ਵਾਹਰ ਅਾ ਰਹੀ ਸੀ ਤੇ ਕਦੇ ਕਦੇ ਨਾਲ ਉਸਦੇ ਗੁਣਗੁਣਾਉਣ ਦੀ ਵੀ।ਜਦ ਕਾਫ਼ੀ ਦੇਰ ਤੱਕ ਦਰਵਾਜਾ ਨਾ ਖੁਲਾ ਤਾਂ ਮਾਂ ਨੇ ਦਰਵਾਜ਼ੇ ਦੀ ਥੋੜੀ ਜਿਹੀ ਵਿਰਲ ਵਿਚਦੀ ਦੇਖਣਾ ਚਾਹਿਆ ।ਪਗ ਬਝ ਚੁੱਕੀ ਸੀ ਪਰ ਗੁਰਲਾਲ ਹੁਣ ਕਾਗ਼ਜ਼ ਜੇ ਥਲੇ ਅਗ ਜਿਹੀ ਜਲਾਕੇ ਕੁੱਝ ਸੁੰਘਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ।ਮਾਂ ਨੇ ਫਟ ਦੇਣੇ ਦਰਬਾਜੇ ਨੂੰ ਧਕਾ ਮਾਰਿਆ -"ਵੇ ਅਾਹ ਕੀ ਕਰ ਰਿਹਾ ਹੈਂ?"
-'ਮਾਂ ਕੁੱਝ ਨਹੀਂ ਦਵਾਈ ਅਾ,ਸਰੀਰ ਜਿਹਾ ਟੁੱਟੀ ਜਾਂਦਾ ਸੀ। '
"ਵੇ ਅਾਹ ਕਿਹਡ਼ੀ ਦਵਾਈ ਅਾ? " ਮਾਂ ਤੂੰ ਮੇਰਾ ਸਿਰ ਨਾ ਖਾ ਤੇ ਅਾਪਣਾ ਕੰਮ ਕਰ- ਕਹਿ ਉਸਨੇ ਕੰਮ ਜਾਰੀ ਰਖਿਆ ।
ਮਾਂ ਨਮ ਅਖਾਂ ਨਾਲ ਵਾਹਰ ਜਾ ਚੁੱਕੀ ਸੀ।
ਕੁੱਝ ਕੂ ਦੇਰ ਵਾਅਦ ਗੁਰਲਾਲ ਦੇ ਸਾਥੀ ਵਾਹਰ ਮੋਟਰਸਾਈਕਲਾਂ ਤੇ ਅਾ ਚੁੱਕੇ ਸਨ। ਉਹਨਾਂ ਗੁਰਲਾਲ ਨੂੰ ਅਾਵਾਜ ਦਿੱਤੀ ਅਾਜਾ ਬਾਈ ਹੁਣ ਦੇਰ ਹੋ ਰਹੀ ਹੈ। ਅਾਵਾਜ ਸੁਣਦਿਆਂ ਹੀ ਗੁਰਲਾਲ ਨੇ ਬੁਲਟ ਦੇ ਕਿਕ ਮਾਰੀ ਤੇ ਮੋਟਰਸਾਈਕਲਾਂ ਦੀ ਕਤਾਰ ਚ ਮੂਹਰੇ ਲਿਆ ਖੜਾਇਆ। ਕਤਾਰ ਦਾ ਮੋਹਰੀ ਬਣਦੀਆਂ ਹੀ ਉਸਨੇ ਨਾਹਰਾ ਮਾਰਿਆ -ਇਨਕਲਾਬ....।
ਪਿੱਛੇ ਮੋਟਰਸਾਈਕਲ ਸਵਾਰਾਂ ਦੀ ਅਾਵਾਜ ਅਾਈ-ਜਿੰਦਾਵਾਦ ਜਿੰਦਾਵਾਦ।
ਹੁਣ ਕਤਾਰ ਚ ਲਗੇ ਮੋਟਰਸਾਈਕਲ ਇੱਕ ਇੱਕ ਕਰਕੇ ਅਗੇ ਜਾਣ ਲਗੇ ਤੇ ਇਨਕਲਾਬ ਦੇ ਨਾਹਰਿਆਂ ਦੀ ਅਾਵਾਜ ਹਵਾ ਚ ਗੂੰਝਣ ਲਗੀ।
ਭੋਲੀ ਮਾਤਾ ਸੋਚ ਰਹੀ ਸੀ ਕਿ ਇਹਨਾਂ ਬਚਿਆਂ ਦਾ ਜੋਸ਼ ਜਰੂਰ ਕੋਈ ਨਵਾਂ ਇਨਕਲਾਬ ਲੈਕੇ ਅਾਵੇਗਾ।।।
ਹਰਗੋਬਿੰਦ ਸਿੰਘ ਸਿੱਧੂ
ਦੇਸੂ ਮਲਕਾਣਾ
9466685923
...ਜ਼ਾਲਮ ਦੀ ਮੜ੍ਹੀ ਵੀ ਨਹੀਂ ਬਣਦੀ .. **** ****** ਇਕ ਪੋਹ ਦੀ ਠੰਡੀ ਠੰਢ ਹੋਵੇ, ਠੰਡਾ ਬੁਰਜ ਤੇ ਖ਼ੂਨੀ ਕੰਧ ਹੋਵੇ। ਜੇਰ੍ਹਾ ਪਰਖ਼ਣ ਛੋਟੇ ਬੱਚਿਆਂ ਦਾ, ਜ਼ਾਲਮ ਸੂਬਾ ਸਰਹੰਦ ਹੋਵੇ। ਜੀਹਨੂੰ ਗੁੜ੍ਹਤੀ ਮਿਲੀ ਹੋਏ ਅਣਖਾਂ ਦੀ, ਕੋਅਲੇ ਨਹੀਂ ਅੰਗਾਰੇ ਬਣਦੇ ਨੇ। ਜ਼ਾਲਮ ਦੀ ਮੜੀ ਵੀ ਨਹੀਂ ਬਣਦੀ। ਸ਼ਹੀਦਾਂ ਦੇ ਮੁਨਾਰੇ ਬਣਦੇ ਨੇ।। ਸਾਡੇ ਸਿਰ ਤੇ ਰਾਜ ਹੋਵੇ ਗੈਰਾਂ ਦਾ, ਗੱਲ ਹੱਕ ਦੀ ਕਰਨੋਂ ਡਰ ਆਵੇ। ਕੋਈ ਆ ਅਡਵਾਇਰ ਜਿਹਾ ਸਾਨੂੰ, ਹਾਂ ਭਾਜੀ ਪਾਕੇ ਤੁਰ ਜਾਵੇ। ਫਿਰ ਊਧਮ ਸਿੰਘ ਦੇ ਉਦ ਮ ਨੂੰ, ਲੰਡਨ ਵਾਲੇ ਵੀ ਮੰਨਦੇ ਨੇ। ਜ਼ਾਲਮ ਦੀ ਮੜ੍ਹੀ ਵੀ ਨਹੀਂ ਬਣਦੀ। ਸ਼ਹੀਦਾਂ ਦੇ ਮੁਨਾਰੇ ਬਣਦੇ ਨੇ।। ਤਿੰਨ ਲਾਲ ਖੜ੍ਹੇ ਹੋਣ ਮਾਵਾਂ ਦੇ, ਹੱਸ ਰਸੇ ਗਲਾਂ ਚ ਪਾਵਣ ਨੂੰ। ਛੋਟੀ ਉਮਰੇ ਕੋਈ ਕਰਤਾਰ ਜਿਹਾ, ਹਾਂ ਚਾਹਵੇ ਮੋਤ ਵਿਆਵਣ ਨੂੰ। ਸਿੱਧੂ ਜੁਲਮ ਦੀ ਸ਼ਾਨ ਤੇ ਪਰਖੇ ਕੋਈ, ਤਾਂ ਤਿੱਖੇ ਹਥਿਆਰੇ ਬਣਦੇ ਨੇ। ਜ਼ਾਲਮ ਦੀ ਮੜ੍ਹੀ ਵੀ ਨਹੀਂ ਬਣਦੀ। ਸ਼ਹੀਦਾਂ ਦੇ ਮੁਨਾਰੇ ਬਣਦੇ ਨੇ।। .... ਹਰਗੋਬਿੰਦ ਸਿੰਘ ਸਿੱਧੂ ਦੇਸੂ ਮਲਕਾਣਾ, ਸਿਰਸਾ ਹਰਿਆਣਾ ( 9466 685923)
Comments
Post a Comment